LIFE JOURNEY/LESSONS - வாழ்க்கைப் பயணம்/பாடங்கள்

 FROM SAMPATH’S DESK:

 

 

வாழ்க்கைப் பயணம்/பாடங்கள்

 LIFE JOURNEY/LESSONS

 

 

எங்கிருந்து வந்தோம், தெரியவில்லை;

ஏன் அன்னை மடியில் வீழ்ந்தோம், அறியவில்லை;

எப்படி நடக்க கற்றோம், புரியவில்லை;

வாழ்க்கைப் பயணம் எதை நோக்கி, விவரமில்லை!

 

கல்வி கற்கச் சொன்னார்கள், எதற்காக?

பள்ளி கல்லூரிகள் ஏறி இறங்கினோம் அதற்காக;

புத்தக மூட்டைகளை சுமப்பதற்காக;

என்ன எடுத்து வந்தோம் பிரதிபலனாக?

 

அன்பிற்கு இணையில்லை என்கிறார்கள்;

அறிவின்றி அமையாது உலகு என்றும் சொல்கிறார்கள்;

அன்பு சிறந்ததா, அறிவு சிறந்ததா என கேட்கிறார்கள்;

இரண்டும் கலந்த கலவை தானே கொடுக்கும் ஏற்றங்கள்!

 

வாழ்க்கைப் பாதை வாடிக்கைகள் - வழிநெடுக புதர்கள், முட்கள்;

கற்கள், சருக்கல்கள், வழுக்கல்கள்;

எப்படி சமாளிக்கிறோம் என்பது அல்ல கேள்விகள்;

இலக்கை அடைவது தான் வசந்த காலங்கள்!

 

நல்லெண்ணம், நேர்மை, நாணயம், நீதி - வாழ்க்கை ஒழுக்கங்கள்;

கருணை, ஈகை, விருந்தோம்பல், இடுக்கண் களைதல் - இவை நல்ல எண்ணங்கள் மற்றும் செயல்கள்;

நற்சொல், நற்செயல், நல்ல மனிதனின் அடையாளங்கள்;

இவற்றைப் பேணிக் காப்பதே மனிதநேயத்தின் செழுமைகள்!

 

வெற்றி கண்டு களிப்புகள்;

தோல்வியில் ஏமாற்றங்கள், துவளல்கள்;

வெற்றியை இதயத்தில் ஏற்றுங்கள்;

தோல்விகளை தூக்கி எறியுங்கள்!

 

காலத்தின் அருமையை மறக்காதீர்கள் ;

மண்ணின் மணத்தையும், மாண்புகளையும் பேணுங்கள்;

 இனிய எண்ணம், இனிய சொல், இனிய செயல்;

இவை வாழ்க்கைப் பயண வண்ணங்கள்.

 

ஒவ்வொரு நிகழ்வும் ஒரு பாடம் என எண்ணுங்கள்;

அனுபவங்கள் அனைத்தும் ஆசான் என உணருங்கள்;

நம்பிக்கையை கை விடாமல் தொடருங்கள்;

வாழ்க்கைப் பயணத்தை இனிதாக்குங்கள்!

 

 

ரா. சம்பத்

7/3/2025